A Garda Civil investiga unha explosión rexistrada na madrugada deste xoves nun caixeiro dunha sucursal bancaria no Hío, Cangas, no que parece un intento de roubo, e que se saldou con danos materiais, aínda que non houbo subtracción de diñeiro.

Segundo informaron a Europa Press fontes do Instituto Armado, a explosión tivo lugar sobre as 5,00 horas deste xoves, na oficina de Abanca, e provocou “importantes danos”, aínda que os ladróns non lograron levar diñeiro.

A sucursal permanece pechada este xoves para facilitar o labor dos investigadores e para levar a cabo as tarefas de limpeza.