Buscan un pescador desaparecido desde a noite do venres na zona do Cabo Udra, no concello de Bueu. Segundo informa o 112, medios por mar e terra inspeccionan a contorna na procura do pescador, cuxa alerta de desaparición foi recibia esta tarde por parte da Policía Local.

Foi a súa parella a que comunicou ao corpo de seguridade a falta do home, que saíra de casa cara ás 21,00 horas do venres para pescar na punta de Cabo Udra. Ante a falta de noticias, activouse un operativo de busca por mar e terra, do que aínda non hai novidades.

Pola súa banda, e tras o aviso do persoal do 112, Salvamento Marítimo mobilizou varios recursos, como o helicóptero do Servizo de Gardacostas de Galicia e o Helimer, e tamén se sumou unha embarcación da Garda Civil.