Un accidente múltiple produciuse na tarde deste venres na A-52 ao seu paso polo municipio pontevedrés das Neves, no que se viron implicados un bus con 43 escolares, un camión e unha furgoneta.

Segundo informa o 112 Galicia, os escolares están fóra do vehículo e reciben asistencia por algunhas feridas leves.

Pola súa banda, os equipos de rescate céntranse no condutor do autocar, que está consciente, pero atópase atrapado no interior. O tráfico está condicionado nos carrís central e dereito en sentido Benavente, á altura do quilómetro 281.

Entre outros medios, participan un helicóptero medicalizado, Garda Civil, GES e bombeiros Baixo Miño e persoal de mantemento de estradas.