InicioVigo e contornaVigoTres novos detidos polas malleiras nocturnas denunciadas en Cangas

Tres novos detidos polas malleiras nocturnas denunciadas en Cangas

Están acusados de tentativa de homicidio e lesións.

PUBLICADO O

- Advertisement -

A Garda Civil detivo a tres mozos como supostos autores dunha tentativa de homicidio e de delitos de lesións en varias pelexas ocorridas nas rúas de Cangas na madrugada do domingo 6 de marzo. Varios mozos resultaron feridos as disputas, dos cales un veciño de Bueu permaneceu ingresado nun centro médico durante nove días e precisou ser intervido cirurxicamente como consecuencia das lesións que padecía.

Segundo informa o Instituto Armado, os feitos sucederon a madrugada do 6 de marzo en Cangas, cando varias persoas repartiron golpes na vía pública tras altercados ou incidentes que xurdiran entre eles no interior dalgún dos locais dunha zona de lecer.

As primeiras indagacións que realizaran as patrullas de seguridade cidadá da Garda Civil municipio e da Policía Local, que foron as primeiras en chegar a lugar, permitiron ao Equipo de Policía Xudicial da Benemérita en Cangas iniciar unha investigación que culminou coa identificación da práctica totalidade dos mozos que se viron involucrados. Algúns deles tiveran que recibir asistencia sanitaria por mor dos golpes que recibiron.

De todas as persoas que foran derivadas a centros asistenciais, resultou especialmente afectado un veciño de Bueu, de 29 anos, que permaneceu ingresado nun centro de Vigo do 6 ao 15 de marzo, onde foi intervido cirurxicamente. En concreto, tal e como indica a Garda Civil, a vítima presentaba un total de nove fracturas nos distintos ósos da cara, ademais da rotura dun dente.

Como consecuencia da brutal malleira que lle proferiron e a gravidade das lesións que lle causaron con patadas na cabeza, os axentes detiveron a tres novos –un de Haití con domicilio en Madrid e outros dous veciños de Moaña– como supostos autores de tentativa de homicidio e lesións.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...