Un mozo de 18 anos de idade foi detido en Vigo na tarde deste luns por agredir á súa noiva de 16 anos, propinándolle varios bofetones e empuxándoa contra unha parede.

Segundo informou a Policía Local, os feitos ocorreron sobre as 16,30 horas na rúa Carracido. No lugar, os axentes atoparon a unha moza de 16 anos, de Vigo, cos ollos chorosos, que recoñeceu discutir co seu noivo, pero aseguraba que en ningún momento a agredira

Pola súa banda, o home, M.C.M. de Vigo e 18 anos de idade, tamén recoñecía que discutira con ela, pero negou agresión algunha. Con todo, varias testemuñas manifestaron aos funcionarios que o mozo empuxara á moza contra unha parede, chegando a agredila propinándolle varios labazadas. Por iso, foi detido pola suposta comisión dun delito de Violencia de Xénero.