InicioSucesosFerido un octoxenario ao incendiarse unha habitación da vivenda en Salceda

Ferido un octoxenario ao incendiarse unha habitación da vivenda en Salceda

Sufriu queimaduras nas mans e na cara.

PUBLICADO O

- Advertisement -

Un home duns 82 anos de idade sufriu queimaduras este luns tras incendiarse unha habitación da vivenda na que se atopaba en Salceda de Caselas.

Segundo informou o 112 Galicia, os feitos sucederon no lugar da Paxariña, pasados uns minutos das 12,30 horas deste luns. Foi unha persoa particular quen contactou co servizo de emerxencias para alertar do incendio.

O alertante avisou de que había un home no interior da habitación que ardía e, posteriormente, volveu comunicarse co 112 Galicia para informar de que o lume estaba apagado.

Os xestores do CIAE 112 Galicia requiriron a intervención de Urxencias Sanitarias de Galicia-061, dos Bombeiros do Porriño, da Garda Civil e de Protección Civil de Salceda de Caselas.

Segundo a información facilitada ao 112 Galicia polos membros da Agrupación de Voluntarios de Protección Civil de Salceda de Caselas, á súa chegada, o lume xa estaba extinguido e o home ferido no incendio era atendido polo persoal médico de queimaduras nas mans e na cara.

En concreto, ao lugar o 061 enviou unha ambulancia de soporte vital avanzado que trasladou ao ferido, C.D.R., de 82 anos de idade, ao hospital vigués de Povisa, confirmaron fontes sanitarias.

Sobre as circunstancias deste lume, os axentes da Garda Civil indicaron ao 112 Galicia que o incendio puido orixinarse nunha manta eléctrica.

ÚLTIMAS

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...