InicioSucesosArden dúas embarcacións en Moaña

Arden dúas embarcacións en Moaña

As primeiras investigacións apuntan a que o lume da lancha puido ser intencionado, e estúdase se podería ser usada para o transporte de droga.

PUBLICADO O

Un barco e unha embarcación menor arderon esta noite ao declararse un incendio no interior do primeiro, fronte ao porto de Meira, no concello de Moaña. Segundo informa o 112, ao redor das 22,30 horas, o servicio recibiu varias chamadas de persoas particulares que vían lume nun barco fronte ao porto de Meira, no estaleiro da Xunqueira. As primeiras investigacións apuntan que o lume da embarcación menor puido ser intencionado.

Así, as forzas da orde tratan de esclarecer os feitos. Ademais, segundo testemuñas presenciais, o dono do estaleiro asegurou que a lancha non se atopaba alí cando a compañía terminou a quenda de traballo. A planadora medía entre uns 6 ou 8 metros e non se descarta que unha das hipóteses a investigar é se a lancha podería ser usada para o transporte de droga.

Os operadores do CIAE-112 Galicia remitiron a información aos Bombeiros do Morrazo e aos axentes da Garda Civil e da Policía Local. Ademais, tamén foron alertados os Bombeiros dos parques de Vigo, Ribadumia e Porriño e os membros de Protección Civil de Cangas, así como Salvamento Marítimo, o Servizo de Gardacostas de Galicia, a Autoridade Portuaria e os servizos sanitarios, por se fora necesaria a súa intervención.

Posteriormente, a patrulla da Policía Local de Moaña confirmaba que o barco afectado polo lume estaba no mar, atado a outra embarcación máis pequena que podía correr perigo e que, finalmente, tamén se viu afectada. Xa de madrugada, os medios de extinción comunicaron ao 112 que o incendio estaba completamente sufocado e que o lume, extinguido tanto polos equipos desde terra como desde o propio mar, afectara a un barco e a unha embarcación menor, tipo planadora, que quedaron amarrados na zona.

Non houbo que lamentar danos persoais e, para previr o risco de derrames contaminantes ao mar, despregáronse barreiras de contención na área de intervención. As forzas da orde, pola súa banda, tratan de esclarecer as causas do suceso.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...