Un incendio provocou danos nunha casa situada no lugar da Raño, en Ponteareas, sen que ningunha persoa resultase ferida nin afectada. Concretamente, o incendio deixou calcinadas dúas habitacións e o faiado da vivenda.

O 112 Galicia recibiu a alerta do incendio ás 16,30 horas, a través dun particular. Segundo indicaba, a causa era o mal funcionamento dunha cociña de leña. Tamén engadía que ningunha persoa estaba ferida. Tras sufocar o incendio, os servizos de emerxencia levaron a cabo a ventilación da casa.