Axentes da Policía Local de Vigo detiveron a un mozo de 23 anos de idade, A.B.F., veciño de Moaña, como presunto autor dun delito de atentado contra axentes da autoridade, tras arroxar un conter contra un coche patrulla do 092 e agredir a un dos funcionarios.

Segundo informaron fontes policiais, os feitos ocorreron na madrugada deste xoves, cando unha dotación se dirixiu á zona Churruca alertada por varios avisos de que se estaba producindo un ‘botellón’.

Os Policías identificaron as persoas que estaban a participar na reunión e propuxéronos para sanción por infracción administrativa. Ademais, un deles tamén denunciado pola posesión de tres cigarro de marihuana, que levaba gardados nunha mochila.

Cando os axentes finalizaron a intervención e metéronse no coche patrulla para abandonar o lugar, o mozo tirou contra o vehículo policial un colector de lixo, que impactou contra a porta, causando danos materiais. Ao dirixirse os funcionarios cara a el, este reaccionou de forma violenta, propinando unha patada a un dos axentes, polo que foi detido.