O pesqueiro ‘Nuevo Cigala’ necesitou ser remolcado por Salvamento Marítimo ao porto de Cangas tras sufrir unha avaría este venres.

Segundo informa Salvamento Marítimo, este pesqueiro navegaba con tres tripulantes a bordo a cinco millas ao suroeste da Illa de Onza, cando solicitou asistencia por fallo mecánico.

Así, mobilizouse ao buque Salvamar Mirach, que socorreu á embarcación. O ‘Nuevo Cigala’ ten o seu porto base en Bueu traballando artes menores.