Un incendio rexistrado en Nigrán despois das 10,00 horas, afectou ao interior dun domicilio, en concreto un dos cuartos da casa.

Os xestores do 112 Galicia tiveron constancia do feito mediante a chamada do 061. Nela, unha persoa informaba de que ardía parte da súa vivenda pero descoñecía onde se orixinou o lume.

O CIAE-112 deu aviso aos Bombeiros do Porriño e de Vigo, aos membros do GES do Val Miñor, á Garda Civil, á Policía Local e a Protección Civil do concello.

Os medios desprazados ata o punto confirmaron ao 112 que arderon aparellos eléctricos e mobiliario da vivenda, sen ter que lamentar danos persoais.