Os restos mortais da persoa que se atopou no interior dun pozo no
Cerquido, no Porriño, serán inhumados este xoves 29 no Cemiterio Municipal desta localidade.
Segundo informa o concello nun comunicado, o consistorio ten facerse cargo da inhumación xa que o cadáver non foi identificado nin reclamado, desde que se atopou o pasado 21 de febreiro.
Como consecuencia, o Xulgado de Instrución número 3 de Porriño solicitou
ao Concello que se fixera cargo do levantamento e recollida dos restos
mortais, actualmente depositados no Tanatorio Vigo Memorial, para a súa
inhumación nun nicho de titularidade municipal no Cemiterio. Estes
trámites levaranse a cabo coa presenza da Garda Civil.
O equipo de investigación aínda non puido dar coa identidade desta persoa tras analizar as probas. O informe forense determinou que morrera dun golpe na cabeza.
