O equipo de drones da Axencia Galega de Emerxencias (Axega) participa, desde a mañá deste luns, no operativo de procura dunha muller desaparecida no concello pontevedrés de Cangas.

Segundo informou o 112 Galicia, recibiu o aviso do Servizo Municipal de Emerxencias de Cangas a última hora da tarde deste domingo dunha señora desaparecida na súa localidade.

Segundo os datos solicitados no Centro Integrado de Atención ás Emerxencias de Galicia, a muller, de 75 anos de idade, falta desde as primeiras horas da pasada xornada.

Na súa procura, levada a cabo nos arredores do bosque encantado de Vilariño, participan os axentes da Garda Civil, a Policía Local de Cangas e os membros de Protección Civil da localidade.