InicioSociedadeDeclarado un lume na fábrica viguesa de Stellantis (PSA)

Declarado un lume na fábrica viguesa de Stellantis (PSA)

Foron evacuadas 300 persoas, sen danos persoais.

PUBLICADO O

- Advertisement -

Efectivos de Bombeiros de Vigo desprazáronse ata a fábrica viguesa de Stellantis (antes PSA Peugeot Citroën) para traballar na extinción dun lume declarado na factoría.

Segundo informaron a Europa Press fontes de Bombeiros, a chamada recibiuse pouco despois das 13,00 horas deste venres. Ata o lugar desprazáronse un vehículo de Bombeiros do parque de Balaídos e outro de Teis.

Fontes da empresa indicaron que os sistemas de evacuación e de extinción da propia factoría “funcionaron correctamente”. Aínda así, solicitouse a axuda dos Bombeiros de Vigo, que acudiron con dúas dotacións para reforzar os labores de extinción do lume.

O incendio, de pequenas dimensións, produciuse na nave de pinturas –Nave P– por causas aínda descoñecidas. No interior do recinto atopábanse unhas 300 persoas, que foron evacuadas, non habendo que lamentar danos persoais.

Este suceso supuxo parar a produción para avaliar os danos e investigar o ocorrido. Esta previsto que a actividade se renove en canto haxa unha “total seguridade” para todos os traballadores.

Na actualidade a factoría xa tiña suspendida a produción no sistema M1, que monta o Peugeot 2008, o Citroën C-Elysée e o Peugeot 301, debido á persistencia dos problemas de subministración derivados da chamada crise dos semiconductores (microchips).

ÚLTIMAS

Cinco feridos nun accidente en Mos

Cinco persoas resultaron feridas na mañá deste sábado ao chocar frontalmente dous vehículos no...

Vigo rexeita o recurso de Ryanair e mantén a sanción por reducir voos

O Concello de Vigo confirmou o rexeitamento do recurso de reposición presentado pola aeroliña Ryanair contra a sanción imposta pola...

Caballero impulsa accións legais pola exclusión de Vigo como sede do Mundial 2030

O Concello de Vigo iniciou os trámites para estudar unha posible reclamación xurídica fronte...

195 millóns: o custe do novo contrato entre SERGAS e Povisa

O Servizo Galego de Saúde (Sergas) e o Hospital Ribera Povisa de Vigo finalmente...