Tres traballadores resultaron feridos en dous accidentes laborais rexistrados na mañá deste xoves na cidade de Vigo, segundo trasladou o CIAE 112 Galicia.

O primeiro dos incidentes tivo lugar ao fío das 09,00 horas da mañá na avenida de Samil, onde un operario dunha obra sufriu unha caída desde unha altura de catro metros mentres traballaba.

A Policía Nacional desprazouse á zona, onde comprobou que esta persoa se atopaba consciente e que se queixaba de dores nas costas e brazo. Posteriormente, o empregado foi trasladado a un centro médico por unha UVI móbil.

Case unha hora despois, ás 09,45 horas, os servizos de emerxencia mobilizáronse ata a avenida de Beiramar, onde a acumulación de gas durante o proceso de soldeo dun tubo produciu unha explosión que alcanzou a dous operarios que traballaban no estaleiro Armón, segundo detallaron fontes policiais.

Así, solicitouse a presenza de ambulancias no lugar, onde desprazáronse dúas dotacións policiais. Unha vez na zona, trasladaron a ambos os empregados á unidade de queimados do Hospital Povisa e os axentes entrevistáronse con testemuñas.