InicioSucesosVIDEO | Aparatoso incendio nun buque en Bouzas

VIDEO | Aparatoso incendio nun buque en Bouzas

PUBLICADO O

Os bombeiros de Vigo, en coordinación con Policía Local, Nacional e Portuaria, traballan na extinción dun incendio declarado nun buque conxelador que se atopa amarrado no Porto de Bouzas, na cidade olívica, e que provocou unha importante fumareda, aínda que sen que se rexistraron danos persoais.

A alerta activouse sobre as 8,45 horas da mañá deste xoves, cando os servizos de emerxencia recibiron o aviso de que estaba a arder un barco na terminal de Bouzas. Trátase dun buque conxelador con bandeira británica, o ‘Baffin Bay‘, que pertence á armadora viguesa Grupo Copemar, e no que se estaban realizando labores de mantemento. De feito, os servizos de emerxencia sospeitan que o lume puido iniciarse na adega do barco, onde se estaban facendo traballos de soldadura.

O tres tripulantes que estaban no conxelador atópanse ben, e non houbo que lamentar danos persoais, aínda que o incendio provocou unha densa columna de fume, e os bombeiros seguen na zona, apoiados por remolcadores.

Segundo informou a Policía Local, os bombeiros tiveron que traballar inicialmente arrefriando o casco da nave desde o exterior, ante a imposibilidade de acceder ao barco pola gran cantidade de fume xerado.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...