InicioSucesosDetido tras golpear á súa parella e á que enrolara unha camiseta...

Detido tras golpear á súa parella e á que enrolara unha camiseta ao pescozo

A veciña que alertou á Policía explicou aos funcionarios que observara como o sospeitoso arrastraba polos pelos e o pescozo á muller dunha beirarrúa a outra e lle batía na cara.

PUBLICADO O

Axentes da Policía Local de Vigo detiveron a un mozo de nacionalidade paraguaia, R.R.T., de 30 anos de idade, como presunto autor dun delito de violencia de xénero, tras golpear á súa parella (tamén de Paraguai) en plena rúa, e á que tiña suxeita polos pelos e cunha camiseta enrolada ao pescozo.

Segundo informaron fontes policiais, os feitos ocorreron a pasada madrugada, cando o 092 recibiu o aviso dunha veciña que estaba a observar como un home golpeaba a unha muller violentamente na rúa.

Unha dotación de Policía trasladouse ao lugar, na confluencia das rúas Martínez Garrido e Ramón Nieto, e sorprenderon ao home agredindo á muller, á que estaba a tirar do pelo mentres ela estaba tombada no chan boca abaixo.

Os axentes observaron que o mozo non tiña camiseta, e que esta estaba enrolada no pescozo da muller, polo que rapidamente os separaron e inmobilizaron ao agresor.

A veciña que alertou á Policía explicou aos funcionarios que observara como o sospeitoso arrastraba polos pelos e o pescozo á muller dunha beirarrúa a outra e lle batía na cara.

ANTECEDENTES POR VIOLENCIA DE XÉNERO

O mozo, que se atopa en trámites de obter o NIE, recoñeceu que ten antecedentes por violencia de xénero, precisamente sobre a súa parella, a moza á que estaba a agredir. A vítima corroborou que os episodios de violencia da súa parella son frecuentes, e que xa lle denunciou anteriormente por estes feitos.

O home foi detido por un presunto delito de violencia de xénero, mentres que a muller foi trasladada ao Hospital Álvaro Cunqueiro de Vigo para ser atendida das súas lesións.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...