Un mozo veciño de Vigo de 19 anos de idade, P.G.R., resultou ferido grave tras saltar de cabeza ao mar na zona da desembocadura do río Lagares, en Samil, e golpearse contra o fondo.
Segundo informaron fontes policiais, foron os seus acompañantes os que alertaron a emerxencias, e sinalaron que o mozo estaba a facer saltos acrobáticos para mergullarse, utilizando unha aboia semienterrada na beira como trampolín.
Nun deses saltos o mozo golpeouse contra o fondo mariño e quedou inconsciente, de maneira que o seu corpo emerxeu e quedou flotando. Os socorristas sacaron da auga ao bañista, que recuperou a consciencia e que manifestou que N
Efectivos de emerxencias sanitarias evacuaron inmediatamente á vítima ao Hospital Álvaro Cunqueiro de Vigo, onde quedou ingresado na Unidade de Coidados Intensivos.
