Os servizos de emerxencias recuperaron este domingo de augas fronte a Garda  un inchable para uso lúdico de grandes dimensións que foi á deriva desde Praia América, en Nigrán, informou o 112.

A presenza do obxecto flotando no mar fixo saltar as alarmas por se se tratase dun bote salvavidas. Salvamento Marítimo pediu a colaboración de medios de emerxencias para comprobar o estado do obxecto, sobre o que non ía ningunha persoa e que era un inchable.

O persoal de salvamento colaborou cos membros do GES da Guarda e os axentes da Policía Local de Nigrán, que informaron a orixe do inchable. Un equipo desprazouse a bordo da Salvamar Mirach para recoller o obxecto e trasladalo ao porto da Guarda para que o recollan os seus propietarios.