A Garda Civil investiga unha muller de Baiona sospeitosa de ter raiado 13 vehículos

Trátase dunha muller de 33 anos cun "amplo historial delituoso".

Imaxe dun coche danado / GARDA CIVIL

A Garda Civil de Baiona-Nigrán investigou penalmente a unha veciña de Baiona á que atribúe un suposto delito continuado de danos intencionados en 13 coches, cuxa carrozaría raiou cun obxecto punzante.

Segundo informou a Garda Civil, os feitos producíronse na madrugada do 29 ao 30 de xullo e presentáronse denuncias respecto de 13 vehículos, estacionados en dúas rúas de Baiona.

Axentes da Garda civil realizaron inspeccións oculares e detectaron só danos estéticos, posto que ningunha fechadura fora forzada. Como presunta autora dos feitos identificaron a unha muller de 33 anos e veciña de Baiona que ten “un amplo historial delituoso” relacionado con delitos contra a seguridade viaria, con positivos por consumo de alcol.

A muller, investigada agora por un presunto delito continuado de danos, deberá comparecer no Xulgado de Instrución de garda de Vigo cando sexa citada, agregou a Garda Civil.