InicioSucesosUn home foi sorprendido en Mondariz-Balneario tras incumprir ata cinco veces o...

Un home foi sorprendido en Mondariz-Balneario tras incumprir ata cinco veces o confinamento

Un xulgado de Ponteareas condenouno a pagar 600 por saltarse as normas en reiteradas ocasións.

PUBLICADO O

- Advertisement -

O xulgado de Instrución número 2 do municipio pontevedrés de Ponteareas condenou a un home a pagar 600 euros por incumprir a orde de confinamento que se declarou como consecuencia do estado de alarma decretado polo Goberno o pasado 14 de marzo.

O home foi condenado por un delito de desobediencia grave, xa que incumpriu “en reiteradas ocasións, a propósito e sen causa xustificada” as normas establecidas para solucionar a crise sanitaria da COVID-19.

Segundo o Tribunal Superior de Xustiza de Galicia, o autor dos feitos mostrouse conforme coa pena interposta. Fora sorprendido na vía pública os días 18, 19, 27 e 31 de marzo sen xustificación, polo que foi denunciado administrativamente.

Despois de todo iso, este sábado 4 de abril, axentes da Garda Civil interceptárono no municipio de Mondariz-Balenario ás 21,00 horas mentres conducía un vehículo. Ante as indicacións de deterse, o home non parou e virou bruscamente noutra dirección para “tratar de eludir o control policial”.

O comunicado do TSXG tamén explica que o autor dos feitos mantivo “unha actitude deliberadamente rebelde” e que finalmente foi posto a disposición xudicial, onde o sancionaron con 600 euros de multa.

ÚLTIMAS

O Celta-Xetafe desta fin de semana, de alto risco

A Comisión Permanente da Comisión Estatal contra a Violencia, o Racismo, a Xenofobia e...

Caballero reclama á Deputación de Pontevedra 6,25 millóns en investimentos

O alcalde de Vigo, Abel Caballero, insistiu en reclamar á Deputación de Pontevedra investimentos...

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...