InicioSucesosUn veciño de Mos que quintuplicaba a taxa de alcol sae ileso...

Un veciño de Mos que quintuplicaba a taxa de alcol sae ileso dun accidente

O home saíuse da vía e o vehículo quedou nunha situación perigosa.

PUBLICADO O

A Garda Civil investiga penalmente un veciño de Mos, de 56 anos, ao que lle realizaron a proba de alcoholemia despois de sufrir un accidente de circulación e deu que quintuplicaba a taxa permitida.

Os feitos sucederon sobre as 18,30 horas do pasado xoves, día 6, á altura do quilómetro 11,200 da vía de servizo da A-55, nas proximidades de Tameiga, cando o turismo que conducía este veciño de Mos se saíu da vía.

Cando chegou a patrulla do Destacamento de Tráfico da Garda Civil do Porriño ao lugar do sinistro comprobou, segundo informa nun comunicado, “a perigosa situación na que quedara o vehículo sobre un desnivel do terreo”, en tanto que o condutor e único ocupante se atopaba fóra do turismo sen lesións aparentes.

Ao realizarlle a proba de alcoholemia púidose comprobar que daba resultado positivo “quintuplicando a taxa permitida”, polo que se lle notificou a súa condición de investigado como presunto autor dun delito contra a seguridade viaria. As dilixencias instruídas neste caso entregáronse no Xulgado de Instrución de garda do Porriño.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...