InicioSucesosUn condutor reincidente: parouno a GC mentres conducía sen carnet ata o...

Un condutor reincidente: parouno a GC mentres conducía sen carnet ata o Xulgado a compadecer por este mesmo delito

PUBLICADO O

- Advertisement -

Os feitos sucederon a primeira hora da mañá nunha céntrica rúa da localidade de Cambados. Unha patrulla do Destacamento de Tráfico de Pontevedra interceptou a J.J.A., de 58 anos, conducindo sen permiso o seu vehículo de camiño ao Xulgado para comparecer, en calidade de investigado, por un delito contra a seguridade vial que cometera o 18 de maio, ao conducir sen carné por perda de puntos.

A este condutor reincidente, figurábanlle outros tres expedientes sancionadores por conducir co permiso sen vixencia por perda total de puntos e en todos os casos a infracción detectouse como consecuencia dunha infracción por condución etílica.

O Subsector de Tráfico da Garda Civil de Pontevedra está incidindo dunha forma especial na vixilancia deste tipo de condutores, con persoal especializado no seu control e interceptación.

Os condutores multirreincidentes son unha das principais preocupacións da Agrupación de Tráfico polo potencial risco para a seguridade vial que implican. As súas condutas viales adoitan ir asociadas a consumos de alcohol ou drogas, grandes excesos de velocidade ou outras infraccións que poñen en perigo ao resto dos usuarios das vías.

As dilixencias instruídas entregáronse no Xulgado de Instrución de Garda de Cambados, onde terá que comparecer en calidade de investigado como suposto autor dun novo delito contra a seguridade vial.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...