O home galego detido en Valencia pola súa presunta relación co ‘narcosubmarino’ cargado con tres toneladas de cocaína, e que foi localizado en Cangas (Pontevedra) o pasado 24 de novembro, pasará este xoves a disposición xudicial nesta localidade.

Segundo informaron fontes do Tribunal Superior de Xustiza de Galicia (TSXG), esta persoa, cuxa detención tivo lugar o pasado luns, pasará en próximas horas a disposición do Xulgado de Instrución número 1 de Cangas (Pontevedra), encargado da investigación destes feitos.

En relación ao achado dese semisumerxible, que foi afundido polos seus propios tripulantes á entrada da ría de Aldán, foron detidas outras cinco persoas, entre eles o tres tripulantes do batiscafo.