InicioSucesosInterceptado un submarino na ría de Aldán cargado de cocaína

Interceptado un submarino na ría de Aldán cargado de cocaína

A carga podería superar os 3.000 quilos. Hai dous detidos.

PUBLICADO O

- Advertisement -

Dúas persoas foron detidas na ría de Aldán este domingo, no municipio pontevedrés de Cangas, ao ser sorprendidas dentro dun submarino que transportaba droga cara á costa galega. Un terceiro estaba fugado e a Garda Civil advertiu da necesidade de extremar as precaucións.

Os axentes da Garda Civil tiñan acotada a zona polo operativo de busca do fugado, facendo rexistros, pero tamén para evitar a entrada de curiosos,

O interceptación do submarino é o resultado dun operativo coordinado a nivel internacional no que se traballa con intensidade desde a pasada madrugada, explicou o delegado do Goberno en Galicia, Javier Losada, en declaracións á Radio Galega.

Os servizos da Garda Civil, a Policía Nacional e a Axencia Tributaria están a colaborar para tratar de reflotar o submarino, o cal, segundo os primeiros indicios, contén grandes cantidades de droga, que poderían superar os 3.000 quilos. Con todo, é posible que non consigan facelo este domingo por “insuficiencia de medios”, segundo confirmaron a Europa Press fontes da Policía Nacional.

A pesar de que ata a zona se trasladaron helicópteros dos Corpos e Forzas de Seguridade do Estado, así como outros dispositivos para o reflote, a maioría dos medios que se necesitan se atopaban ata o momento nos labores de desencallamento do buque ‘Blue Star’ en Ares (A Coruña).

Ata o momento, Losada explicou que ao tratarse dunha operación coordinada a nivel internacional, a carga que transporta o somerxible confirmarase unha vez se termine de reflotar o submarino e os axentes poidan entrar nel.

O subacuático ten 20 metros de eslora e este método de narcotráfico resulta moi novo para a introdución de droga na costa galega, engadiu o representante do Goberno en Galicia.

ÚLTIMAS

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...