Unha avioneta caeu ao mar esta tarde de martes nas proximidades da praia da Lamiña, na Guarda, sen que se teña constancia de feridos, segundo informa o 112 Galicia.
A aeronave foi remolcada por unha embarcación ao municipio portugués de Caminha despois de caer na desembocadura do río Miño entre Camposancos e Caminha.
Foi unha persoa particular quen se puxo en contacto co 112 Galicia para dar conta dos feitos ás 16,50 horas. Foron avisados, entre outros, Policía Local da Guarda, Garda Civil, Salvamento Marítimo e Gardacostas de Galicia.
