Unha liorta protagonizada por membros de dúas familias de etnia xitana na rúa Reiseñor de Vigo, no barrio da Dobrada, saldouse cun ferido.

Segundo informou a Policía Nacional, os feitos tiveron lugar ao redor das 12,30 horas, cando se orixinou un enfrontamento entre ambas as partes relacionado cun inmoble.

Tras ser contactado por un particular, o Centro Integrado de Atención ás Emerxencias (CIAE) 112 Galicia informou a Urxencias Sanitarias, a Policía Nacional e a Policía Local. Á súa chegada, as dotacións policiais atoparon unha persoa ferida, aínda que sen lesións graves, que foi atendida polos médicos dunha ambulancia do 061 que se trasladou á zona. Finalmente, restableceuse a normalidade e ningunha das partes manifestou o seu interese en presentar unha denuncia polos feitos.