Unha muller embarazada de 23 anos atópase ferida de gravidade tras ser atropelada en Vigo a pasada noite do venres, preto das 22,30 horas.

Así o confirmaron fontes da Policía Local, que se trasladaron ao lugar do accidente tras recibir o aviso do 112 Galicia, xunto cos Bombeiros de Vigo e os servizos de Urxencias Sanitarias.

A muller, de orixe paraguaia, atopábase camiñando na intersección da avenida Tranvía e a rúa Ríomao cando un turismo a atropelou e resultou ferida de gravidade, aínda que ningún servizo de emerxencias puido informar o estado do seu embarazo.

Ao producirse o atropelo, varios particulares deron aviso dos sucedido ao 112 Galicia, que de inmediato alertaron á Policía Local, Bombeiros de Vigo e Urxencias Sanitarias-061.

Despois de chegar ao lugar dos feitos, os efectivos médicos asistiron á muller e trasladárona ao hospital Álvaro Cunqueiro, onde permanece ingresada.