InicioSucesosUn veciño de Salvaterra dáse á fuga cando conducía sen puntos

Un veciño de Salvaterra dáse á fuga cando conducía sen puntos

PUBLICADO O

- Advertisement -

A Garda Civil investiga por un delito contra a seguridade viaria a un veciño de Salvaterra de Miño (Pontevedra) que se deu á fuga ao desobedecer o sinal de alto dunha patrulla, tras ser sorprendido conducindo sen puntos. Á súa parella acúsana de simulación de delito, porque horas despois presentou unha denuncia falsa argumentando que o vehículo fora roubado.

Os feitos sucederon a madrugada do pasado domingo, na estrada EP-4006, á altura da parroquia de Meder, no municipio de Salvaterra de Miño, cando a patrulla de Tráfico pretendía interceptalo para denunciar unha infracción que cometera.

Con todo, o condutor da furgoneta emprendeu a fuxida a gran velocidade, conducindo de forma temeraria e con evidente risco para os demais usuarios da vía, e conseguiu esquivar á patrulla, que desistiu de perseguilo.

Esta fuga fixo sospeitar, así mesmo, da credibilidade da denuncia que horas despois presentou a propietaria da furgoneta pola subtracción do vehículo.

As pescudas concluíron coa recuperación da furgoneta nunha pista forestal non moi afastada ao domicilio da súa propietaria. Ao mesmo tempo, púidose acreditar que a persoa que a conducía, que protagonizara a fuga, carecía de permiso de conducir por perda de puntos e é a parella sentimental da titular do vehículo.

ÚLTIMAS

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...

Urxencias e atencións domiciliarias que corresponderían a centros de saúde serán derivadas á PAC de Vigo

A Xerencia da área Sanitaria de Vigo ordena que as urxencias e atencións domiciliarias da quenda...

Abandono ferroviario: Carme da Silva critica a situación da ‘Liña do Miño’ tras a pandemia

A senadora do BNG, Carme da Silva, esixiu ao Goberno central a recuperación total...