Unha fuga de ácido dunha batería, nun taller da zona da Avenida de Madrid en Vigo, obrigou a desaloxar a varias decenas de traballadores, aínda que se saldou sen feridos e sen maiores consecuencias.
Segundo informou a Policía Local, os feitos ocorreron na mañá do pasado venres, cando se produciu a explosión dunha batería nun taller dunha empresa. Dita deflagración provocou unha fuga de ácido sulfúrico e, tras alertar ao servizo de bombeiros, a Policía desaloxou, por precaución, aos traballadores desas instalacións e doutras empresas próximas (unhas 70 persoas).
Os bombeiros realizaron unha medición de gases e constataron que non había perigo para as persoas por inhalación de gases tóxicos, polo que os empregados desaloxados puideron regresar, ao cabo dunha hora, aos seus postos de traballo, e sen que ningún necesitase asistencia médica.
