InicioSucesosDetidos dous veciños de Vigo por roubar 500 euros a un taxista...

Detidos dous veciños de Vigo por roubar 500 euros a un taxista que os recolleu en Nigrán

Durante o cacheo, os axentes atopáronlles máis de 500 euros, polo que foron detidos por un suposto delito de furto.

PUBLICADO O

Axentes da Policía Local de Vigo detiveron a dous veciños da cidade, J.L.L., de 34 anos de idade, e A.F.L., de 35 anos, como presuntos autores dun delito de furto, tras subtraer uns 500 euros a un taxista.

Segundo informaron fontes policiais, os feitos ocorreron na madrugada do pasado sábado, cando os dous sospeitosos se subiron ao taxi na localidade de Nigrán. Unha vez na cidade olívica, e cando os ‘clientes’ estaban a pagar a carreira, o chofer decatouse de que un deles facía un xesto cara a el, pero non lle deu importancia.

Cando os dous viaxeiros se apearon do taxi, o condutor comprobou que lle faltaban 500 euros dunha carteira que tiña aberta e que gardaba no lateral da porta esquerda do vehículo. O taxista alertou á Policía e varias dotacións do 092 iniciaron a procura dos sospeitosos na zona de Gran Vía.

Os axentes observaron a dous homes que estaban a fuxir e que coincidían coa descrición facilitada polo prexudicado. Un deles detívose ante o requirimento da Policía, pero o outro seguiu correndo.

Finalmente, o segundo sospeitoso tamén foi interceptado, a pesar de que se introduciu debaixo dun coche aparcado e de que opuxo unha gran resistencia. Durante o cacheo, os axentes atopáronlles máis de 500 euros, polo que foron detidos por un suposto delito de furto.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...