InicioSucesosMorre outra nena afogada nunha piscina en Nigrán

Morre outra nena afogada nunha piscina en Nigrán

PUBLICADO O

- Advertisement -

Unha nena faleceu na tarde do luns no municipio de Nigrán (Pontevedra) ao afogarse nunha piscina particular situada no Camiño da Carballeira. É o segundo neno que morre nunha piscina en quince días tras o accidente acontecido en Salceda de Caselas o pasado 3 de xuño.

Segundo informou o 112 Galicia, os feitos sucederon sobre as 20,00 horas deste luns. Foi unha persoa particular a que contactou co servizo de emerxencias para alertar do sucedido e indicar que xa sacaran á menor da piscina.

Por parte do 112 Galicia requiriuse a intervención de Urxencias Sanitarias, que mobilizou o helicóptero medicalizado con base en Ourense. Unha vez no lugar dos feitos, os efectivos sanitarios non puideron facer nada por salvar a vida á menor.

Ademais, o persoal do CIAE 112 Galicia puxo a situación en coñecemento da Garda Civil, da Policía Local, do GES do Val Miñor e de Protección Civil. Tamén, os xestores do 112 Galicia informaron do ocorrido ao Grupo de Intervención Psicolóxica en Catástrofes e Emerxencias (GIPCE) por se fose necesaria a súa intervención para a atención dos familiares da nena.

FOI SOA

Segundo detallou a Garda Civil a Europa Press, os feitos tiveron lugar cando a menor de tres anos abandonou soa a súa vivenda, onde se atopaba cun familiar. Posteriormente, desprazouse a un domicilio próximo e subiu as escaleiras da piscina desmontable na que se atopou o seu corpo máis tarde.

O alcalde de Nigrán, Juan González, manifestou que a nena estudaba no CEIP da Cruz, situado na parroquia de Camos, onde se desprazou o rexedor para acompañar aos seus coñecidos.

Este suceso tivo lugar dúas semanas despois de que un bebé de 18 meses caese nunha piscina na localidade pontevedresa de Salceda de Caselas. Como consecuencia do accidente, o menor faleceu dez días máis tarde no Hospital Álvaro Cunqueiro de Vigo, onde permanecía ingresado desde que se produciu o incidente.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...