Os bombeiros de Vigo mobilizáronse esta mañá por un novo incendio declarado no antigo asilo de Pi i Margall. O inmoble está abandonado e adoita estar ocupado por sen teito. Os efectivos, apagaron o lume que se iniciara nunha das dependencias do antigo edificio, que se vía desde o exterior.

Unha vez apagado, refrescaron a zona, na que se acumulaba lixo, roupa e colchóns. Tamén tiveron que desaloxar ás persoas que estaban no seu interior. A intervención prolongouse máis dunha hora. Non é a primeira vez que hai lume neste antigo asilo. De feito, nos últimos meses ardeu xa en tres ocasión.