InicioSucesosIncautan un arsenal de guerra nunha finca de Ponteareas

Incautan un arsenal de guerra nunha finca de Ponteareas

Parte das armas foi atopada nunha caixa forte de grandes dimensións oculta tras un dobre fondo detrás dunha libraría.

PUBLICADO O

- Advertisement -

A ‘Operación Iceberg‘, levada a cabo pola Garda Civil, saldouse coa incautación dun dos maiores arsenais de armas ilegais de Galicia no que, nun dobre fondo nunha libraría nunha vivenda, foron localizadas 84 armas de fogo e 3.411 cartuchos metálicos de diferentes calibres.

Nunha rolda de prensa celebrada na sede da Comandancia de Pontevedra, o delegado do Goberno en Galicia, Javier Losada, destacou que “hoxe os delincuentes e terroristas teñen menos oportunidades de facer dano á nosa sociedade”, polo que felicitou á Garda Civil porque “retirar estas armas é gañar vida”.

Xunto a Losada compareceron a subdelegada do Goberno en Pontevedra, Maica Larriba; o xeneral xefe da XV Zona da Garda Civil, Luís Francisco Rodríguez; e o tenente coronel xefe interino da Comandancia de Pontevedra, Manuel Touceda.

Segundo informaron, a operación, que segue aberta, iniciouse o pasado mes de marzo cando a Garda Civil detectou que un veciño de Ponteareas, con licenza de armas como tirador deportivo, estaba a adquirir a través de Internet pezas e accesorios para armas que non correspondían ás que posuía legalmente, e que se consideraban armas de guerra.

Parte das armas incautadas foi atopada nunha caixa forte de grandes dimensións oculta tras un sofisticado dobre fondo detrás dunha libraría, indicou o Instituto Armado. Coa autorización do Xulgado de Instrución número 2 de Ponteareas (Pontevedra) practicouse un rexistro que permitiu achar as armas de fogo ilegais ocultas nunha leira de grandes dimensións en Ponteareas e a detención do seu responsable, investigado polos supostos delitos de depósito de armas de guerra, depósito de armas, tenencia ilícita de armas prohibidas e depósito de municións.

Das 84 armas de fogo intervidas, destacaron polo seu especial perigo dez delas consideradas como de guerra: tres subfusiles, tres fusiles de asalto, dúas metralladoras, un fusil ametrallador e unha pistola metralladora.

Algunhas das armas tiñan os seus números de serie borrados ou alterados, polo que a investigación continúa aberta para pescudar a orixe das mesmas. Deste xeito, non se descarta que procedesen de roubos ou que puidesen ser introducidas ilegalmente en España. Esta investigación foi desenvolvida conxuntamente pola Xefatura de Información e o Grupo de Información da Comandancia de Pontevedra, co apoio do Servizo Cinolóxico de Madrid e da Intervención de Armas de dita Comandancia.

PICAF

Javier Losada apuntou que esta operación se enmarca dentro do Plan Integral para o Control das Armas de fogo (Picaf) da Garda Civil, para evitar o seu desvío a grupos criminais e unidades terroristas.

De feito, engadiu, “armas como as recuperadas nesta operación empregáronse en atentados terroristas, como o que se produciu en 2015 na sala Bataclán de París, cun importante número de vítimas”.

ÚLTIMAS

Última hora #ArgosGeorgia 14 sobreviventes, 9 falecidos e catro desaparecidos

No tráxico incidente ocorrido na mañá do 23 de xullo, o pesqueiro Argos Georgia,...

Vigo e Baiona drecretan un día de loito oficial pola morte dos dous mariñeiros locais falecidos na traxedia do Argos Georgia

O Concello de Baiona decretou un día de loito pola morte do seu veciño...

O pesqueiro vigués ‘Robin M. Lee’ mantense na procura de náufragos do ‘Argos Georgia’

O pesqueiro vigués 'Robin M. Lee' mantense na zona do naufraxio do 'Argos Georgia',...

(Crónica) Luis Fonsi queda abraiado co público de Vigo e coa “fermosa” cidade

"Que levanten a man os noivos e maridos que viñeron a este concerto obrigados...