InicioSucesosPerigoso incendio en Soutomaior: Evacuados dous menores e tres adultos

Perigoso incendio en Soutomaior: Evacuados dous menores e tres adultos

PUBLICADO O

- Advertisement -

Cinco persoas, tres adultos e dous menores, tiveron que ser evacuadas debido a un incendio nunha vivenda en Soutomaior, ocorrido ao redor das 2,40 da madrugada deste domingo. O lume iniciouse no baixo dunha casa de dúas plantas.

Os servizos sanitarios de urxencia evacuaron aos afectados, con síntomas de intoxicación por inhalación de fume procedente do incendio no inmoble, situado na rúa Coutada, en Arcade, segundo informa o Centro Integrado de Atención ás Emerxencias (CIAE).

As persoas que se atopaban no interior da vivenda abandonárona en canto percibiron o lume, pero non puideron evitar respirar o fume que se estendía polo inmoble e que chegou a afectar as casas lindeiras.

ASISTENCIA MÉDICA

As cinco persoas, tres adultos e dous menores, necesitaron asistencia médica, polo que foron trasladas polos profesionais do 061-Urxencias Sanitarias ao complexo hospitalario de referencia. No entanto, a falta dun exame médico en profundidade, o CIAE indica que o seu estado non revestía gravidade.

En relación aos danos materiais, o incendio arrasou por completo a parte baixa da casa e o fume chegou afectar á totalidade do inmoble. Tamén alcanzou ao cableado eléctrico que a casa compartía coa vivenda lindeira, polo que, desde o 112 Galicia, informouse á empresa subministradora do servizo para a súa reparación.

Na extinción do incendio traballaron efectivos dos parques de bombeiros do Consorcio pontevedrés –Morrazo, Pontevedra, Vilagarcía e Baixo Miño– até pasadas as oito da mañá deste domingo.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...