Os Bombeiros de Vigo excarceraron ao ocupante dun turismo que quedou atrapado no interior do vehículo tras sufrir un accidente cun autobús na Gran Vía este venres. Segundo informou o 112 Galicia, foron dous as persoas trasladadas ao hospital por Urxencias Sanitarias.

Foron varios particulares os que alertaron ao 112 Galicia do ocorrido pasadas as 22.15 horas e indicaron que o turismo chocara contra un autobús e, posteriormente, contra un farol. No momento da chamada, unha persoa permanecía atrapada no interior do coche.

Ata o lugar desprazáronse os servizos de Urxencias Sanitarias de Galicia-061, os Bombeiros de Vigo e os axentes da Policía Local. Os bombeiros lograron liberar ao ocupante do turismo, que foi evacuado ao hospital, do mesmo xeito que o outro ferido o accidente.