Un motorista perdeu a vida na noite deste pasado mércores en Vigo tras sufrir un accidente nunha rotonda da Avenida do Aeroporto, á altura de Cabral.

Segundo informa o 112 Galicia, os feitos ocorreron minutos antes das 23.00 horas e foi un particular o que avisou ao Centro Integrado de Atención ás Emerxencias, indicando que un motorista sufrira un accidente no punto quilométrico 0 da devandita vía.

Por iso, deuse aviso a Urxencias Sanitarias de Galicia-061 e á Policía Local. A pesar de todo, os servizos sanitarios nada puideron facer por salvarlle a vida ao condutor.