A Garda Civil investiga unha agresión grupal a tres novos ocorrida a madrugada do venres na localidade pontevedresa de Baiona.

Segundo fontes consultadas por Europa Press, un mozo de 20 anos denunciou os feitos ante a Garda Civil. Tal e como relatou, atopábase con dous amigos nunha discoteca do municipio cando comezaron a meterse con eles e a increpalos por falar francés, xa que algúns eran de nacionalidade francesa.

A continuación, decidiron saír do local e chamar á nai dun deles para que os fose a recoller nas inmediacións do parque da Palma. Nese momento, oito novos perseguíronos ata o vehículo e agredíronos, presentando lesións leves o home que puxo a denuncia. Polo momento, non houbo persoas detidas e a Garda Civil investiga os feitos e trata de identificar aos implicados.