Un ciclista resultou ferido este sábado nun accidente de tráfico rexistrado no barrio vigués de Valadares, onde foi atropelado por un coche. Segundo a información recollida polo 112 Galicia, a persoa afectada permanecía consciente e con mobilidade no momento de ser atendida. O suceso produciuse arredor das 12.00 horas. O aviso ao centro de emerxencias deuno o propio 061, que se desprazou ata o lugar para prestar asistencia sanitaria ao ferido. Ata o punto tamén acudiron axentes da Policía Local de Vigo. Unha vez atendida a emerxencia, o persoal sanitario informou ao 112 de que o ciclista estaba ferido, pero podía sentar, xa que conservaba a mobilidade e permanecía consciente.