Unha muller de avanzada idade foi achada sen vida nun regato na parroquia viguesa de Bembrive. Segundo a información recollida polo 112 Galicia na chamada que alertou do sucedido, a falecida precipitouse por un terraplén nas proximidades da súa vivenda. A dificultade do terreo fixo necesaria a intervención dos equipos de rescate para acceder á vítima. Foi un familiar da muller quen alertou o 112 Galicia arredor das 13.40 horas do domingo e explicou o sucedido no Camiño da Pedrosa. Deste xeito, o 112 Galicia solicitou a intervención dos Bombeiros de Vigo pola complexidade de acceso ao lugar, ademais de informar os axentes da Policía Nacional e da Policía Local.