Dous individuos coa cara tapa e con dúas armas “aparentemente” de lume atracaron unha sucursal de Abanca no centro do municipio pontevedrés do Porriño este luns. Segundo explican fontes próximas á investigación a Europa Press, os feitos ocorreron ás 13.45 horas deste luns, nunha sucursal da que levaron o diñeiro da caixa forte, unha cantidade que non transcendeu. Os asaltantes deixaron aos traballadores do banco e a un cliente atados con bridas antes de fuxir. Un dispositivo busca aos ladróns autores do roubo.