Unha muller, M.M.S. de Vigo e 52 anos de idade, foi detida como presunta autora dun delito de violencia doméstica tras supostamente agredir a puñadas á súa filla de 20 anos e tratar de botala de casa.

Segundo informa a Policía Local, os feitos ocorreron esta madrugada rúa Piñeiro, onde unha moza solicitaba asistencia, asegurando que, sen previa provocación, a súa nai comezou a agredila, propinándolle puñadas na cara e na caluga, suxeitándolle as mans e tentando botala do domicilio no que convivían.

Segundo a suposta vítima, que presentaba feridas sanguentas nos beizos e moratóns na cara e nas mans, as agresións eran frecuentes, pero nunca as denunciou. Por todo iso, foi trasladada a un centro médico. Pola súa banda, a súa nai asegurou que era a propietaria da casa e que a súa filla queríalla quitar. A pesar diso, foi detida.