Un motorista resultou ferido na madrugada deste domingo tras unha saída de vía rexistrada na avenida Arquitecto Palacios, en Vigo. O accidente produciuse ao redor das 3:42 horas, segundo informou o 112 Galicia, tras recibir chamadas de varios particulares alertando do suceso.

No operativo participaron equipos de Urxencias Sanitarias de Galicia-061, que se encargaron de trasladar á persoa ferida a un centro hospitalario. Ademais, acudiron ao lugar Policía Local, os Bombeiros de Vigo e membros de Protección Civil, que colaboraron na atención e aseguramento da zona.