InicioSucesosUn detido e catro coches policiais danados na persecución a un condutor...

Un detido e catro coches policiais danados na persecución a un condutor que se deu á fuga

Na AP-9, na peaxe das Gándaras, rompeu as barreiras, ademais de tirar obxectos aos coches policiais.

PUBLICADO O

- Advertisement -

Un home de 31 anos foi detido en Vigo tras darse á fuga cando a Policía Local tratou de darlle o alto esta noite. O seu arresto produciuse tras unha persecución por varias rúas da cidade, e chegou tamén ata O Porriño. Así o informaron a Europa Press fontes da Policía Local que explicaron que foi sobre as doce da noite, ás 00.06 horas, cando se produciron os feitos despois de que na Travesía de Vigo se comprobase que circulaba un coche coa ITV caducada, con perda de vixencia do permiso do conducir.

Nese momento deron o alto pero o condutor emprendeu a fuxida por varias rúas do Calvario para tomar logo dirección ao Porriño, chocando xa a varios vehículos patrulla e facendo caso omiso aos axentes. Na AP-9, na peaxe das Gándaras, rompeu as barreiras, ademais de tirar obxectos aos coches policiais, para optar logo por volver a Vigo pola VG-20. Posteriormente, tomou dirección a Bouzas para facer un cambio de sentido e volver cara á zona da avenida de Citröen onde impactou contra un coche da Policía Local do Porriño e un muro da fábrica de Stellantis.

No rexistro do seu coche, localizouse unha sustancia que pesaba 4,8 gramos e que parecía, apuntaron desde a Policía Local, cocaína. O condutor deu positivo nesta droga, en cannabis e en metanfetamina. No operativo, participaron catro dotacións da Policía de Vigo, dúas da Nacional e outras dúas da Policía Local do Porriño, cun total de catro coches danados, tres da cidade olívica e outro do Porriño, ademais dos danos na peaxe das Gándaras.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...