Unha muller, A.R.P. de Vigo e 41 anos de idade, foi detida na noite deste pasado domingo tras dar unha puñada no nariz ao seu noivo, que tivo que ser trasladado ao Hospital Álvaro Cunqueiro. Tal como informou a Policía Local, os feitos ocorreron minutos antes das 23.00 horas e foi o home, de 41 anos, o que abordou aos axentes tras ser agredido pola súa parella.
O apuntado, que sangraba de forma abundante polo nariz, asegurou que saíra de cea coa súa noiva, iniciándose unha discusión no coche. Nun momento dado, cando estaban parados nun semáforo, ela propinoulle un golpe no nariz e baixouse do coche. Así, o home tamén saíu o vehículo, aproveitando ela para subir e abandonar o lugar. Por iso, deuse aviso á ambulancia, sendo trasladado o home ao hospital por unha posible fractura do tabique nasal. Pola súa banda, comezou a procura da muller, sendo localizada na rúa Eduardo Cabello e detida pola suposta comisión dun delito de lesións e rifa tumultuaria.
DETIDO TRAS ROUBAR UN MÓBIL DUN CARRIÑO DE BEBÉ
Por outra banda, tamén en Vigo, un home, R.G.G., de 37 anos de idade, foi detido na noite deste pasado domingo tras roubar un móbil, valorado en 1.400 euros, que estaba gardado nun carriño de bebé. Tal como informou a Policía Local, foi un particular o que informou os axentes de que lle roubaron o móbil e que tiñan retido ao presunto autor deste delito nun local da rúa Nicaragua.
Unha vez no punto, os funcionarios identificaron á afectada e visionaron as cámaras de seguridade do establecemento, observando “claramente” como unha persoa subtraía un móbil dun carro de bebé e o introducía no seu pantalón. Dado que se atopaba no lugar, o home foi detido por un delito grave de furto.
