Cinco persoas resultaron feridas na tarde deste pasado luns en Mos tras rexistrarse un accidente múltiple na A-55, no cal se viron involucrados tres coches.

Tal como informou o 112 Galicia, foi un implicado no accidente o que alertou aos servizos de emerxencia, asegurando que quedara bloqueado co seu vehículo no medio dun carril da devandita autovía, á altura de Petelos, en Mos, dirección Vigo.

O incidente produciuse sobre as 18.30 horas e isto provocou que outros dous coches impactasen contra el. Por todo iso, o alarmante solicitaba asistencia sanitara para a súa filla, que viaxa con el e sentía molestias.

Así, deuse aviso aos servizos de urxencias sanitarias, á Garda Civil de Tráfico, aos Bombeiros de Baixo Miño e ao GES de Mos. Finalmente, ata cinco persoas foron trasladadas ao hospital Álvaro Cunqueiro de Vigo.