Un motorista perdeu a vida tras sufrir unha saída de vía na AP-9 ao seu paso por Vigo e en dirección Pontevedra. Segundo informou o 112, o suceso produciuse ás 8.00 horas deste domingo e foron varios particulares os que deron a voz de alarma indicando que había un motorista tirado na calzada e necesitaba atención médica urxente.

Ata o punto desprazáronse os profesionais de Urxencias Santiarias de Galicia-061, que nada puideron facer por salvar a vida do motorista, e axentes da Garda Civil. Ademais, unha das persoas que chamou ao 112 detallou que había un animal morto na vía, o cal podería ter implicación no sinistro.