Un vehículo avariado no túnel da Madroa, en sentido Tui, provocou retencións á primeira hora desta mañá na AP-9, ao seu paso pola cidade de Vigo.

Segundo informou o CIAE 112 Galicia, a Garda Civil deu o aviso da incidencia ás 7,35 horas. Tras iso, foron mobilizados, ademais, a Policía Local e o servizo de mantemento da estrada.

A incidencia provocou retencións na AP-9 sentido Tui pero non se rexistraron feridos.