A Policía Local de Redondela interceptou o pasado domingo a un home, veciño de Vigo, que multiplicaba por cinco a taxa de alcol permitida, ao arroxar 1,27 e 1,23 miligramos por litro de aire expirado nas probas que se lle realizaron.

Tal como informou o corpo de seguridade, os feitos ocorreron na N-555, á altura de Santo Estevo de Negros. Os axentes dirixíanse a Porto Cabeiro cando observaron que un vehículo circulaba causando retencións de tráfico, á vez que abría a porta do copiloto sobre a marcha, freaba e continuaba o seu rumbo.

Por iso déuselle o alto, comprobando que no seu interior viaxaba un home ao volante e unha muller á beira. Ao ter signos evidentes de embriaguez, realizóuselle a proba, dando un resultado positivo cinco veces por encima do máximo permitido, polo que agora investígaselle como presunto autor dun delito contra a seguridade viaria.

Ademais, na madrugada deste mércores, outro condutor foi interceptado cuadriplicando a taxa máximo permitida de alcol, tras tratar de fuxir dos axentes cando lle deron o alto na praza de Ribadavia, en Redondela.