InicioSucesosUnha vela aromática desencadea un incendio nunha vivenda da rúa Ignacio Grobas,...

Unha vela aromática desencadea un incendio nunha vivenda da rúa Ignacio Grobas, onde tiveron que ser rescatados un pai e a súa filla

O lume orixinouse na habitación da nena, e o pai explicou que prendera unha vela aromática no cuarto. Levouse á nena a durmir con el e cría que a vela do dormitorio dela xa se consumira. Uns ruídos espertárono de madrugada e decatouse de que a vivenda estaba chea de fume, polo que pediu axuda pola xanela.

PUBLICADO O

Un home e a súa filla foron rescatado ilesos tras rexistrarse un incendio na súa vivenda, na rúa Ignacio Grobas de Vigo, orixinado por unha vela aromática que quedara acesa nunha das estancias. Segundo informaron fontes da Policía Local, os feitos ocorreron na madrugada do Xoves Santo pasado, cando un particular contactou co 092 para alertar de que saía fume pola xanela dun piso.

Ao chegar, este veciño avisou aos axentes de que, na parte traseira do inmoble, había un mozo cunha nena en brazos, asomando pola xanela e pedindo axuda. Os policías acougaron ao home ata a chegada dos bombeiros que, cunha escaleira extensible, puideron evacuar ao home e á súa filla pola xanela, sen que ningún resultase lesionado. O pai atopábase en estado de nerviosismo, e relatou aos axentes que quedaban dentro do piso dous cans da súa propiedade.

Os bombeiros entraron na vivenda, sufocaron as chamas e rescataron aos animais. Posteriormente, membros do servizo de extinción explicaron que o lume se orixinou na habitación da nena, e o pai explicou que prendera unha vela aromática no cuarto. Segundo o seu relato, levouse á nena a durmir con el á súa habitación, e cría que a vela do dormitorio dela xa se consumira. Uns ruídos espertárono de madrugada e decatouse de que a vivenda estaba chea de fume, polo que pediu axuda pola xanela. As chamas causaron danos escasos no piso.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...